Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

Atvinnuleitendur

Ert þú í atvinnuleit? Hugaðu að réttindum þínum og skráðu þig í viðeigandi stéttarfélag á meðan þú ert í atvinnuleit.
Halda áfram

Þjónusta við atvinnuleitendur

Atvinnuleitandi sem er skráður félagsmaður í Sameyki hefur ýmis réttindi innan félagsins, en atvinnuleitendum sem fá greiðslur frá Vinnumálastofnun er gefinn kostur á því að að velja sér aðild að stéttarfélagi. Þeir sem eru í atvinnuleit og velja að skrá stéttarfélagsaðild hjá Sameyki þurfa að hafa verið félagar áður. Ekki má hafa liðið meira en þrjú ár frá síðustu greiðslu viðkomandi einstaklings á félagsgjöldum til félagsins, til að hann hafi rétt á að gerast félagsmaður. Ef lengra er um liðið getur viðkomandi ekki orðið félagsmaður meðan hann er í atvinnuleit. Félagið hvetur atvinnuleitendur og þá sem missa vinnu til þess að huga að réttindum sínum og skrá sig í viðeigandi stéttarfélag þegar þeir sækja um atvinnuleysisbætur.

Réttindi atvinnuleitenda innan Sameykis:

Upplýsingar og ráðgjöf

Aðgang að náms- og starfsráðgjöf í samvinnu við Starfsmennt og Vinnumálastofnun
Blað stéttarfélaganna og önnur útsend gögn s.s tímavinnubók.

Námskeið og námsstyrkir

Réttur til að sækja um námsstyrk í starfsmenntasjóði, sjá nánar hér.
Réttur til að sækja "Gott að vita" námskeið sem félagið býður upp á þér að kostnaðarlausu.
Námskeið á vegum Starfsmenntar. Allir félagsmenn Sameykis, sem áður tilheyrðu SFR, óháð vinnustað, eiga fullan rétt hjá Starfsmennt. Þeir félagsmenn Sameykis, sem áður tilheyrðu St.Rv. og eru ríkisstarfsmenn sem og þeir sem eru starfsmenn Akranesskaupstaðar, Seltjarnarness, Dvalarheimilisins Höfða, Innheimtustofnunar sveitarfélaga og Slökkviliðs höfuðborgarsvæðisins geta einnig sótt námskeið og þjónustu Starfsmenntar sér að kostnaðarlausu.

Orlofsmál

Atvinnuleitendur eiga jafnan rétt og aðrir félagsmenn á leigu orlofshúsa og íbúða félagsins
Einnig geta þeir sótt um aðra orlofskosti sem eru í boði á hverjum tíma s.s. flugávísanir, tilboð á hótelmiðum, veiðikort o.fl.

Styrktarsjóður

Atvinnuleitendur geta sótt um styrki sem tengjast heilsueflingu, endurhæfingu, sjálfshjálp og forvörnum gegn sjúkdómum. Einnig geta þeir sótt um sjúkradagpeninga ef þeir veikjast. Tveir styrktar og sjúkrasjóðir eru fyrir félagsmenn Sameykis.

  • Styrktarsjóður BSRB fyrir þá sem starfa hjá Faxaflóahöfnum, Félagsbústöðum, Innheimtustofnun sveitarfélaga, Orkuveitu Reykjavíkur, Reykjavíkurborg, Slökkviliði höfuðborgarsvæðisins, Strætó, Sveitarfélagi Akranes og Sveitarfélagi Seltjarnarnes.
  • Styrktar- og sjúkrasjóður fyrir þá sem starfa hjá Ás styrktarfélagi, Fríhöfn, Isavia, Klettabæ, Matís, Rarik, Ríkisstofnunum, RÚV, SÁÁ, SFV, sjálfseignastofnununum, Skálatúni og Vinakoti.

Stjórn félagsins vill láta sig varða þennan hóp innan félagsins og styðja við hann á þann hátt sem best nýtist. Við bendum þér á að hafa samband við skrifstofu félagsins ef þú hefur einhverjar spurningar eða ábendingar um það hvernig félagið getur stutt við hóp atvinnuleitenda innan félagsins.

Skrifstofa Sameykis er til húsa á Grettisgötu 89, 4 hæð, sími 525-8330, netfang sameyki@sameyki.is. Skrifstofan er opin alla virka daga milli klukkan 9 og 16. Við leggjum metnað okkar í að taka vel á móti félagsmönnum okkar og bjóðum ykkur velkomin á skrifstofu félagsins.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)