Orlofshús og íbúðir

Sameyki á og rekur um 70 eignir innanlands og á Spáni og er auk þess með fjölmörg hús og íbúðir til framleigu yfir orlofstímann á sumrin, sjá nánar í orlofsblaði.

Orlofshús og íbúðir í eigu Sameykis eru á Suðurlandi (Vaðnes 8 hús og Hólasetur í Biskupstungum (hundahús), Úthlíð í Biskupstungum, Akrakot Efri-Reykjum, Úlfljótsvatn 12 hús), fjórar íbúðir í Reykjavík, á Vesturlandi (Norðurás Svínadal, Munaðarnes 20 hús, Húsafell 2 hús, Skorradalur, Arnarstapi, Selásar Borgarbyggð), á Norðurland (orlofshús í Kjarnabyggð, 2 í Hálöndunum og 3 íbúðir á Akureyri) og á Austurlandi (Eiðar 6 hús). 

Íbúðir á Spáni

Sameyki er með þrjár eignir á Spáni til útleigu fyrir félagsmenn. Íbúðirnar/hús eru leigðar í viku í senn að jafnaði, en yfir vetrartíma verður gefinn kostur á að leigja þær í allt að tvær vikur. Vegna breytilegra flugáætlana eru sveigjanlegir skiptidagar í vetur.

  • Upplýsingar um hús í Quesada á Spáni og nánasta umhverfi þess má finna hér.
  • Upplýsingar um íbúð á efstu hæð í Arnelanes á Spáni og nánasta umhverfi þess má finna hér.
  • Upplýsingar um íbúð á jarðhæð í Arnelanes á Spáni og nánasta umhverfi þess má finna  hér.

Aðrir orlofskostir

Stjórn orlofssjóðs ákveður hvaða önnur orlofstilboð eru í boði hverju sinni og eru þau auglýst í Orlofsblaði SFR sem öllu jafna kemur út í mars á hverju ári.

Sumarið 2019 eru eftirfarandi möguleikar í boði: Hótelmiðar á Fosshótel, Edduhótel, Veiðikortið, Útilegukortið, Gjafabréf í flug og í ferðir Úrvals Útsýnar, Orlofsávísun (úthlutað með sama hætti og orlofshúsum).

Mikilvægt er að virða brottfarartíma orlofshúsa. Prentið út kvittanir áður en farið er í bústað, þar má m.a. finna upplýsingar um komu- og brottfarartíma, símanúmer umsjónarmanns o.fl.

Gæludýr eru stranglega bönnuð á orlofshúsasvæðunum, það gildir líka um gæludýr gesta.

Góð umgengni er hagur okkar allra og því er mikilvægt að skilja við eins og við viljum koma að. SFR áskilur sér rétt til að innheimta fyrirvaralaust sérstakt þrifagjald þar sem ekki er nægjanlega vel skilið við.  Góður frágangur er á ábyrgð leigutaka.

Reykingar eru stranglega bannaðar í húsunum.

Nauðsynlegt og gott að taka með: Salernispappír, handsápu og sjampó, sængurfatnað (lín) og lök, handklæði, diskaþurrkur, borðtuskur, plastpoka, eldhúsrúllur, kaffipoka (filter), kol (ef kolagrill), kerti og eldspýtur, álpappír, krydd, sykur og olíu til steikingar, og svo hleðslutæki fyrir gemsann.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)