Ef eign er skilað til baka með innan við viku fyrirvara er ekki um endurgreiðslu á leigu að ræða nema hún leigist aftur út og þá það sem innheimtist. Ef t.d. eignin leigist bara í helgarleigu en viðkomandi er með viku þá er það sem innheimtist endurgreitt til viðkomandi félagsmanns. Þetta á við um allt árið.

Ef um endurgreiðslu er að ræða er alltaf endurgreitt með sama greiðslumáta og notaður var við bókun þ.e. inn á kreditkort ef greitt var með kreditkorti o.s.frv.

Úthlutun: Auglýst er eftir umsóknum um ákveðin tímabil (páskar-sumar). Þú sækir um og eftir ákveðinn tíma fer úthlutun fram og svar berst í tölvupósti.

Bókun: Þú ferð sjálf/ur inn á orlofsvefinn og kynnir þér hvað er laust, bókar og greiðir. Gildir fyrir dagleiguhús, lausar vikur á sumrin og vetrarleigu.

Orlofspunktar

  • Félagsmenn ávinna sér 12 orlofspunkta á ári, þ.e. 1 punkt fyrir hvern unninn mánuð. (Fram til ársins 2008 var ávinnslan 6 punktar á ári).
  • Orlofspunktar stýra því hverjir eru í forgangi á úthlutunartímum. (Flestir punktar = mestir möguleikar).
  • Hægt er að skoða punktastöðu á ORLOFSVEFNUM. 
  • Punktastaða er uppfærð árlega áður en páskaúthlutun fer fram.
  • Allir virkir félagsmenn geta sótt um á úthlutunartímum þótt þeir eigi fáa eða enga punkta. Þá fer punktastaða viðkomandi í mínus.
  • Félagar í lífeyrisdeild ávinna sér ekki punkta eftir starfslok.

Punktastaða félagsmanna ræður úthlutun. Því fleiri punktar, þeim mun meiri möguleikar. Vikuleigan „kostar“ 40 punkta. Ekki þarf þó að „eiga“ 40 punkta til að fá úthlutað heldur fer punktastaðan í mínus en jafnast svo út með tímanum. Aðeins er úthlutað einni viku til umsækjanda hverju sinni. Möguleikar á úthlutun aukast verulega ef valdir eru margir staðir og mismunandi tímabil. Það eykur hins vegar EKKI möguleikana að velja það sama í alla dálkana.

Leiga á veturna skerðir ekki rétt eða möguleika félagsmanna til úthlutunar á sumrin eða um páska en félagsmaður þarf að vera virkur og greiða til félagsins þegar úthlutun fer fram.

Þrátt fyrir að þú sért í mínus í punktastöðu getur þú leigt orlofshús ef þau eru laus, það er hins vegar ólíklegt að þú fáir úthlutað yfir hásumarið. 
Já á meðan umsóknarfrestur er opinn er hægt að fara aftur inn í umsóknina og breyta valinu, alveg þangað til að umsóknarfrestur er liðinn.
Það skiptir engu máli hvenær umsóknin er send inn á umsóknartímabilinu. Sá sem sækir um á fyrsta degi á ekki meiri möguleika en sá sem sækir um á síðasta degi. Það er sá félagsmaður sem er með hæstu punktastöðu, þegar allar umsóknir hafa verið skoðaðar, sem fær úthlutað. Þá skiptir miklu máli hvernig hópur umsækjenda er samsettur, það er, hvað þeir sem sækja um sömu vikuna og sama staðinn eru með háa punktastöðu. Júlí og fyrsta vikan í ágúst er vinsælasti tíminn. Ef félagsmenn merkja við fleiri staði og tímasetningar aukast möguleikar þeirra á úthlutun.

Ef tveir félagsmenn eða fleiri sækja um sama stað og sömu dagsetningar fær sá félagsmaður úthlutun sem flesta punkta hefur. Hinir lenda sjálfkrafa á biðlista í þeirri röð sem val þeirra á umsókninni segir til um. Kerfið virkar þannig að ef ekki er hægt að úthluta þeim stað sem settur var í fyrsta sæti þá er reynt að verða við því sem merkt var númer tvö o.s.frv.

Þess vegna er mikilvægt að á umsókninni séu valdir þeir staðir og tímasetningar sem henta örugglega. Það tefur alla afgreiðslu umsókna ef í ljós kemur að umsækjendur kæra sig ekki um það sem þeir höfðu sett í t.d. þriðja eða fjórða sæti á umsókninni. Þeir sem afþakka það sem þeir sóttu um detta við það út úr kerfinu og fara ekki á biðlista. Ef eitthvað óvænt verður til þess að félagsmaður geti ekki nýtt sér úthlutun þarf hann að hafa samband við skrifstofu strax. Það er hægt að gera með því að senda tölvupóst á dora@sfr.is eða hringja í síma 525-8340.

Þegar úthlutun er lokið og greiðslufrestur er liðinn verða þau hús sem eftir verða sett á orlofsvefinn. Þar geta félagsmenn bókað þau beint, án milligöngu skrifstofunnar.

Umsóknartími fyrir páskaleigu er auglýstur í janúar og úthlutað í febrúar.
Umsóknartími fyrir sumarið er auglýstur í marsbyrjun og úthlutað í apríl.

Orlofspunktar, orlofshús og orlofsúthlutanir

  1. Félagsmenn halda punktaeign sinni þegar þeir færast yfir í lífeyrisdeild og geta klárað að nýta punktana sína en ekki er um frekari punktaávinnslu að ræða. Vetrarleiga kostar ekki punkta en sumarleiga kostar punkta.
  2. Félagar í LSFR hafa almennt ekki rétt á að sækja um orlofshús á úthlutunartímum sem eru páskar og sumarleiga. Að undanskildu einu húsi á sumri sem stjórn orlofssjóðs ákveður hverju sinni. Sækja þarf um skriflega og þær vikur sem ekki leigjast út fara svo í almenna úthlutun.
  3. Á sumrin fá félagar í LSFR 20% afslátt af síðustu tveimur vikunum á úthlutunartíma.
  4. Á veturna geta félagsmenn leigt sér virka daga í Vaðnesi og Munaðarnesi á 2.500 kr. nóttina frá mánudegi til föstudags séu þau laus. 
  5. Ef í ljós kemur að félagar í LSFR framleigja orlofshús til þriðja aðila munu þeir fá áminningu eins og aðrir félagsmenn SFR sem getur leitt til þess að þeir fái ekki að leigja orlofshús SFR. Ætlast er til að félagsmaðurinn sé sjálfur með í för.
  6. Eftir að úthlutunum lýkur hafa LSFR félagsmenn sama rétt til leigu á lausum húsum og aðrir félagsmenn SFR og á sömu kjörum að undanskildum lið 3.
  • Úthlutanir/orlofsmöguleikar „kosta“ mismarga orlofspunkta.
    • 2 punktar: Fyrir hvern hótelmiða.
    • 5 punktar: Fyrir hvern sólarhring í íbúðum og húsum í dags- og helgarleigu yfir sumartímann.
    • 10 punktar: Fyrir orlofsávísun.
    • 40 punktar: Fyrir sumarhús og íbúðir í vikuleigu.
  • Orlofshús sem standa út af eftir að úthlutun lýkur eða losna óvænt á úthlutunartímanum kosta líka punkta.
  • Orlofshús sem bókuð eru utan úthlutunartíma kosta ekki punkta.
  • Útilegukortið, Veiðikortið og miðar í Hvalfjarðargöngin kosta ekki punkta.
Dagleiguhús er hægt að leigja með stuttum fyrirvara. Þar gildir reglan fyrstur kemur fyrstur fær.

Innanlands:

  • Opið er fyrir bókanir innanlands fjóra mánuði fram í tímann, að undanskildum páska- og sumarúthlutunartíma. Fyrsta virka dag í mánuði bætist við vefinn nýr mánuður og er opnað fyrir bókanir á orlofsvefnum kl 9:00.
  • Páskaúthlutun er auglýst í janúar og sumarúthlutun í febrúar/mars í SFR blaðinu.

Íbúð í Kaupmannahöfn:

  • Opið er fyrir bókanir utanlands fimm mánuði fram í tímann, að undanskildum páska- og sumarúthlutunartíma. Fyrsta virka dag í mánuði bætist við vefinn nýr mánuður og er opnað fyrir bókanir á orlofsvefnum kl 9:00.
  • Páskaleiga er auglýst í janúar ár hvert og sumarleiga í orlofsblaðinu febrúarlok/byrjun mars.

Ef þú ert með ábendingar eða fleiri spurningar endilega sendu okkur hér: 

Rusl-vörn