Styrktar- og sjúkrasjóður

Úthlutunarreglur og umsóknir

Um sjóðinn

Stjórn sjóðsins er skipuð 6 fulltrúm, 5 sem kosnir eru á aðalfundi til þriggja ára í senn og einum tilnefndum úr stjórn SFR. Stjórn sjóðsins heldur öllu jafna fund einu sinni í mánuði, nema í júlí, ásamt fulltrúa frá skrifstofu SFR. Þar er fjallað um þær umsóknir sem borist hafa hverju sinni.Stjórn styrktar- og sjúkrasjóðs setur sér úthlutunarreglur á hverjum tíma sem miðast við þarfir umsækjenda og ráðstöfunarfé sjóðsins.

Stjórn sjóðsins
Elín Sigurðardóttir frá Útlendingastofnun
Hrafnhildur Hauksdóttir frá Ríkisskattstjóra
Ómar Árnason frá Tækniskólanum
Pálmey H Gísladóttir frá Greiningarstöð ríkisins
Pétur Ásbjörnsson frá Landspítala
Ekki komin tilnefning, stjórn á eftir að hittast eftir aðalfund (tilnefnd af stjórn)

Markmiðið með Styrktar- og sjúkrasjóð SFR er að veita félagsmönnum fjárhagsaðstoð í veikinda- og slysatilvikum, að styðja og efla félagsmenn vegna endurhæfingar eftir slys eða sjúkdóma og að styðja og efla félagsmenn í forvörnum og fyrirbyggjandi aðgerðum sem snerta öryggi, heilsufar og heilbrigði starfsmanna.

Reglur styrktar- og sjúkrasjóðs samkvæmt 20. gr. laga SFR

1. gr. Nafn sjóðsins
Sjóðurinn heitir Styrktar- og sjúkrasjóður SFR. Sjóðurinn er í eigu SFR – stéttarfélags í almannaþjónustu. Heimili hans og varnarþing er í Reykjavík.

2. gr Tilgangur sjóðsins.
Tilgangur sjóðsins er:
a. Að veita félagsmönnum fjárhagsaðstoð í veikinda- og slysatilvikum.
b. Að styðja og efla félagsmenn vegna endurhæfingar eftir slys eða sjúkdóma.
c. Að styðja og efla félagsmenn í forvörnum og fyrirbyggjandi aðgerðum sem snerta öryggi, heilsufar og heilbrigði starfsmanna.
Ofangreindum markmiðum skal sjóðstjórn ná eftir getu sjóðsins á hverjum tíma. Styrkhæfir eru þeir sem eru fullgildir félagar í SFR og greitt hafa tilskilin gjöld til félagsins og verið félagsmenn í tilskilin tíma samkvæmt úthlutunarreglum sjóðsins, áður en styrkveiting fer fram.

3. gr. Tekjur sjóðsins.
Tekjur sjóðsins eru:
a. Samningsbundin gjöld atvinnurekenda til sjóðsins.
b. Vaxtatekjur.
c. Framlag úr félagssjóði ákveðið á aðalfundi.
d. Gjafir og áheit.

4. gr. Greiðslur úr sjóðnum.
Félagsmenn sem sækja til sjóðsins skulu senda stjórn sjóðsins umsókn. Greiðsla úr sjóðnum getur ekki átt sér stað nema að reglum um úthlutun sé fullnægt.

5. gr. Stjórn sjóðsins.
Stjórn sjóðsins skipa fimm fulltrúar kosnir á aðalfundi til þriggja ára í senn ásamt einum fulltrúa tilnefndum úr stjórn SFR. Formaður skal kjörinn af sjóðstjórn. Stjórn sjóðsins skal halda gerðarbók yfir úthlutanir, svo og annað sem varðar starf hennar. Stjórn sjóðsins setur úthlutunarreglur í samræmi við tilgang sjóðsins og ákveður upphæð styrkja.
Stjórnin skal leggja úthlutunarreglurnar fyrir stjórn félagsins til samþykktar.
Stjórnarmönnum er ekki heimilt að sitja samfellt í stjórn lengur en þrjú kjörtímabil (9 ár).

6. gr. Rekstur sjóðsins og ávöxtun.
Skrifstofa SFR sér um daglegan rekstur sjóðsins í umboði stjórnar hans. Fé sjóðsins skal ávaxta á sem tryggastan hátt.

7. gr. Ársreikningur og endurskoðun.
Ársreikning sjóðsins skal birta með reikningum SFR og hann endurskoðaður með sama hætti og félagssjóður. Ársreikninginn skal leggja fram og afgreiða á aðalfundi með öðrum reikningum félagsins. Skýrsla yfir starfsemi sjóðsins skal fylgja skýrslu stjórnar SFR.

8. gr. Breytingar á reglum sjóðsins.
Reglum þessum má aðeins breyta á aðalfundi SFR og fer með þær breytingar eins og um lagabreytingar væri að ræða.

Samþykktar á aðalfundi SFR 2014.