Merki Sameykis á smærri skjá

Grettisgötu 89
105 Reykjavik
Ísland

525-840
sameyki@sameyki.is
6202690-3449

Lífeyrisdeild skráning

Ekki sitja bara og láta þér leiðast. Skráning í lífeyrisdeildina tryggir þér aðgang að símenntunarsjóði, námskeiðum, viðburðum og góðum félagsskap. Vertu með.
Halda áfram

Lífeyrisdeild Sameykis

Rétt til aðildar að Lífeyrisdeild Sameykis hefur sá sem lýkur starfsævinni sem Sameykis félagi (SFR eða St.Rv.) og hefur að minnsta kosti samfellda aðild síðastliðin fimm ár áður en hann lauk störfum og fór á lífeyrir.

Sá sem óskar eftir aðild að Lífeyrisdeild og hefur ekki endað starfsævi sína sem félagi í Sameyki (SFR eða St.Rv.) verður að hafa lágmark 10 ár í félagsaldur og að hafa verið orðinn 60 ára þegar hann hætti sem félagi. Þetta er til að koma til móts við félagsmenn sem voru í störfum sem t.d. hafa verið lögð niður. Almennt skal miða við að félagsmenn skrái sig í lífeyrisdeildina innan 10 ára frá því þeir fara á lífeyrir. Þeir sem áður voru skráðir í Eftirlaunadeild St.Rv. og Lífeyrisdeild SFR halda sinni félagsaðild. Þegar öllum launagreiðslum er lokið frá vinnuveitanda er hægt að skrá sig í deildina.

Öryrkjar eiga rétt á að sækja um aðild að lífeyrisdeildinni ef þeir fá örorkulífeyrir frá lífeyrissjóði, enda stundi þeir ekki launaða vinnu. Öryrkjar skulu senda inn staðfestingu frá lífeyrissjóði um að þeir fái örorkulífeyrir.

Ef upp koma vafaatriði varðandi rétt til aðildar tekur stjórn Sameykis afstöðu til þeirra.

Það þarf að sækja formlega um aðild að Lífeyrisdeildinni í félaginu. Félagsmenn í deildinni greiða ekki félagsgjöld, en njóta ýmissa réttinda s.s.:

  • að leigja orlofshús og annað sem orlofssjóður býður upp á sjá orlofsvef
  • að fá styrk úr Símenntunarsjóð Lífeyrisdeildar Sameykis
  • að taka þátt í námskeiðunum Gott að vita á vegum félagsins sjá námskeið
  • þátttaka í ýmsum uppákomum á vegum Menningar- og skemmtinefndar t.d., jólaball, aðventukvöld og bingó.
  • fá blað stéttarfélaganna heimsent,

Stjórn lífeyrisdeildar Sameykis stéttarfélags í almannaþjónustu skal heimilt að tilnefna úr sínum hópi 14 fulltrúa í trúnaðarmannaráð og þar af 5 fulltrúa í fulltrúaráð.

Fulltrúar deildarinnar hafa skipulagt í samstarfi við stjórn og starfsmenn ýmsar uppákomur sérstaklega ætlaðar félögum í deildinni s.s. sumarferð, sviðaveislu og vorfagnað.


Ég vil skrá mig í deildina:

Rusl-vörn

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun. Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)