NSO ráðstefna á Siglufirði

Nú stendur yfir árleg ráðstefna NSO (Nordiska statstjanestemanna organisationen) en Ísland hefur veitt samtökunum foryrstu síðastliðið ár. Árni Stefán Jónsson formaður SFR setti ráðstefnu NSO sem nú er haldin á Siglufirði og í ávarpi sínu fjallaði hann m.a. um efnahagslegar upp- og niðursveiflur og hvernig vertíðarfólkið Íslendingar bregst við þeim. En umfjöllunarefni ráðstefnunnar er einmitt framtíðin og vinnumarkaðurinn með sérstaka áherslu á opinbera markaðinn.

Ráðstefnuna sitja fulltrúar systrafélaga SFR á norðurlöndunum og eru stjórnarmenn úr SFR hluti þeirra auk Gunnars Björnssonar frá Fjármála- og efnahagsráðuneytinu. Dagskráin er fjölbreytt og hófst morguninn á hressandi erindi frá Stefáni Ólafssyni félagsfræðingi um hlutverk ríkisins í framtíðinni. Hann fjallaði meðal annars um minnkandi hlutverk ríkisins og launþegahreyfingarinnar á heimsvísu sem til dæmis má sjá í færri félagsmönnum stéttarfélaga, fleiri tímabundnum ráðingum og fleiri hlutastörf. Hann benti þó á betri stöðu norðurlandanna í alþjóðasamhengi þrátt fyrir neikvæð áhrif heimsvæðingarinnar. Hann ítrekaði að framtíð ríksins í vinnumarkað framtíðarinnar væri fyrst og fremst háð pólítík. Síðar í dag mun Róbert Guðfinnsson frumkvöðull á Siglufirði fjalla um samfélagslega ábyrgð en hann hefur meðal annars byggt upp Hótel Sigló og veitingastaðina við höfnina.
Ráðstefnan mun standa í tvö daga og síðari daginn mun Róberti Farestveit hagfræðingi fjalla um vinnumarkað framtíðarinnar og Pia Hansson forstöðumaður Alþjóðamálastofnunar mun m.a. tala um stöðu smáríkja. Auk þess verða stutt innlegg frá Svíþjóð, Danmörku og Færeyjum.

Til baka

Uppselt á jólaball

Sölu á miðum á jólaballið næstkomandi laugardag er lokið. Allir miðar eru uppseldir.

Formaður fundar með fangavörðum

Árni Stefán Jónsson formaður SFR fundaði með fangavörðurm á Litla Hrauni í gær þar sem nýr stofnanasamningur var meðal annars kynntur. Miklar og góðar umræður voru um samninginn og komu þar fram margar góðar ábendingar sem teknar...

Trúnaðarmenn fræðast

Nú stendur yfir trúnaðarmannanámskeið á Grettisgötu 89. Um er að ræða fyrstu lotu trúnaðarmannanáms Félagsmálaskóla alþýðu þar sem er fjallað um þjóðfélagið, vinnumarkaðinn og trúnaðarmanninn - starf hans og stöðu. Námskeiðið...

Styrkir hækka um áramót

Styrktar- og sjúkrasjóður SFR tilkynnir eftirfarandi hækkanir sem taka gildi í sjóðnum frá og með 1. janúar 2018.

• Fæðingarstyrkur hækkaður úr 220.000 uppí 240.000
• Krabbameinsskoðun hækkar úr...

Samstarf félaganna rætt á stefnufundi

Trúnaðarmenn og fulltrúar SFR og St.Rv. héldu sameiginlegan stefnufund á Grand hótel í gær. Alls komu þar saman rúmlega 120 manns sem eru virkir í trúnaðarmannastörfum fyrir félögin. Á fundinum kynnti Gylfi Dalmann dósent við...

Vel heppnað aðventukvöld

Aðventukvöld félaganna sem haldið var síðastliðinn fimmtudag tókst afar vel en um fimmtíu manns komu og hlýddu á upplestur og söng. Það voru þau Mikael Torfason, Kristín Steinsdóttir og Eiríkur...