Viljayfirlýsing gegn áreitni undirrituð

Árni Stefán Jónsson, formaður SFR og Elín Björg Jónsdóttir, formaður BSRB undirrituðu í gær viljayfirlýsingu um aðgerðir gegn einelti, kynferðislegri áreitni, kynbundinni áreitni og ofbeldi á vinnustöðum.

Vinnueftirlit ríkissins og Velferðarráðuneytið stóðu fyrir fundinum sem haldinn var á Grand Hoteli í gærmorgun. Vinnueftirlitið kallar eftir því að fyrirtæki, stofnanir, félagasamtök og fleiri undirriti yfirlýsinguna.

Í yfirlýsingunni sem forsætisráðherra, félags- og jafnréttismálaráðherra ásamt forsvarsmönnum annarra aðila vinnumarkaðarins undirrituðu í morgun, er sagt skýrum stöfum að einelti, kynferðisleg áreitni, kynbundin áreitni og ofbeldi á vinnustöðum verði ekki liðið. Komi slík hegðun upp skuli bregðast við því með markvissum hætti.
„Markmið fyrsta tístsins sem leiddi til #MeToo byltingar um allan heim var að ljá þolendum kynferðisofbeldis og áreitni rödd og varpa ljósi á umfang vandans. Þökk sé þeim fjölda kvenna sem hafa sýnt það hugrekki að stíga fram hafa þessi skilaboð sannarlega málað skýra mynd og haft veruleg áhrif á okkur öll,“ sagði Elín Björg Jónsdóttir, formaður BSRB, í erindi sínu á fundinum í morgun.
„Ég trúi því að tilkoma #MeToo byltingarinnar leiði til verulegra breytinga. Ég trúi því að við verðum upplýstari, meðvitaðri og leggjum okkar af mörkum til að innleiða raunverulegar breytingar. Því verður fylgt fast á eftir af hálfu BSRB. Saman munum við tryggja að í framtíðinni þurfi enginn að segja lengur #MeToo,“ sagði Elín Björg. Hægt er að lesa ræðu hennar hér.

Meinsemd sem á ekki heima í nútímasamfélagi

Ásmundur Einar Daðason, félags- og jafnréttismálaráðherra, sagði á fundinum í morgun að mikil þátttaka á fundinum undirstriki mikilvægi þessa máls. „Það er kominn tími til þess að við öll, og ég segi við öll því það er enginn einn sem getur breytt þessu, útrýmum áreitni á íslenskum vinnumarkaði, meinsemd sem á ekki heima í nútímasamfélagi.“
Ásmundur Einar sagði að bregðast verði við af festu og með aðgerðum. Hann sagði frá því að til standi að skipa nefnd með aðilum vinnumarkaðarins sem ætlað er að meta umfang kynbundinnar og kynferðislegrar áreitni og áreitis auk ofbeldis og eineltis á vinnumarkaði. Þá verður skipaður aðgerðarhópur með fulltrúum stjórnvalda og aðilum vinnumarkaðarins þar sem hægt er að bregðast við hratt.

Sáttmáli á vinnustöðum

Yfirlýsingin sem undirrituð var í gær er birt á vef Vinnueftirlits ríkisins. Þar segir:
Íslensk lög og reglur kveða á um að einelti, kynferðisleg áreitni, kynbundin áreitni og ofbeldi á vinnustöðum skuli ekki liðið. Komi það upp skal bregðast við því með markvissum hætti.
Öryggiskennd og góður starfsandi skipta sköpum fyrir vellíðan starfsmanna. Á vinnustaðnum eigum við góð samskipti og virðum eftirfarandi sáttmála:

  • Við þekkjum stefnu og viðbragðsáætlun vinnustaðarins gegn einelti, kynferðislegri og kynbundinni áreitni og ofbeldi og erum meðvituð um skyldur okkar.
  • Við líðum ekki einelti, áreitni eða ofbeldi, beitum því ekki og vitum að meðvirkni með geranda getur skaðað starfsmenn og vinnustað okkar.
  • Við berum sameiginlega ábyrgð á vinnuumhverfinu og leggjum okkar af mörkum til að bæta það enn frekar.
  • Við erum ólík, með mismunandi bakgrunn og lífsskoðanir, en sýnum hvert öðru virðingu í öllum samskiptum.
  • Við skiljum að upplifun af samskiptum er mismunandi og gerum ekki lítið úr viðbrögðum og tilfinningum annarra.
  • Við ræðum um framkomu sem okkur mislíkar og tökum upp varnir fyrir þá sem brotið er gegn.
  • Við tökum tillit til ábendinga um að við getum bætt framkomu okkar.
  • Við sýnum öðrum kurteisi og virðingu í öllum samskiptum.

Talsverður fjöldi forsvarsmanna fyrirtækja, stofnana, félagasamtaka og annarra undirritaði yfirlýsinguna á vel sóttum fundi sem Vinnueftirlit ríkisins og Velferðarráðuneytið stóðu fyrir á Grand Hótel Reykjavík í morgun.

Þeir sem ekki voru viðstaddir fundinn en vilja undirrita yfirlýsinguna fyrir hönd síns vinnustaðar geta gert það með rafrænum hætti í gegnum vef Vinnueftirlits ríkisins.

Til baka

Fyrsti morgunverðarfundurinn um samstarf SFR og St.Rv.

Það var góður andi á fyrsta morgunverðarfundi SFR í röð morgunverðafunda sem haldnir verða næstu vikurnar. Fundirnir eru í framhaldi af stefnufundi með trúnaðamönnum SFR og fulltrúum StRv sem haldinn var í...

Mínar síður liggja niðri

Þennan mánudagsmorgunn erum við að glíma við örlítið tæknivandamál svo það mun ekki vera hægt að fara inn á Mínar síður á heimasíðu SFR næsta klukkutímann eða svo. Við látum vita þegar það er komið í lag.  MÍNAR...

Styrkir úr Styrktar- og sjúkrasjóði SFR hækka

Styrktar- og sjúkrasjóður SFR tilkynnir eftirfarandi hækkanir sem taka gildi í sjóðnum frá og með 1. janúar 2018.

- Fæðingarstyrkur hækkaður úr 220.000 uppí 240.000
- Krabbameinsskoðun hækkar úr 6.600 í 8.800

Gleðileg jól og farsælt komandi ár

Við óskum félagsmönnum og fjölskyldum þeirra gleðilegra jóla og farsæls komandi árs. Skrifstofa félagsins verður opin milli jóla og nýárs (27.-29. desember) á hefðbundnum tíma, kl. 9:00-16:00. 

Blað stéttarfélaganna í dreifingu milli jóla og nýárs

Blað stéttarfélganna er aðeins með seinni skipunum í ár og verður dreift til félagsmanna milli jóla og nýárs. Í blaðinu má meðal annars finna frásögn frá stefnufundi trúnaðarmanna SFR og fulltrúa St.Rv. um samstarf og mögulega...

Samið um launaþróunartryggingu

Samkomulag um launaþróunartryggingu opinberra starfsmanna sem eru í BSRB var undirritað í fjármála- og efnahagsráðuneytinu í morgun. Laun félaga í BSRB sem starfa hjá ríkinu munu hækka um að meðaltali 1,3 prósent vegna...