Ætlar þú að skrá þig á biðlista eftir leiguíbúðum hjá Bjargi íbúðafélagi?

Opnað hefur verið fyrir skráningu á biðlista eftir leiguíbúðum hjá Bjargi íbúðafélagi. Félagið mun leigja tekjulágum félagsmönnum aðildarfélaga BSRB og ASÍ íbúðir í langtímaleigu á hagstæðu verði. Reiknað er með að fyrstu íbúðir félagsins verði tilbúnar um mitt næsta ár.

Skráning á sér eingöngu stað rafrænt á "mínar síður" heimasíðu Bjargs, ww.bjargibudafelag.is.

Bjarg hefur þegar hafið byggingu á íbúðum í Spönginni í Grafarvogi og í Úlfarsárdal þar sem samtals 238 íbúðir munu rísa. Áformað er að framkvæmdir við samtals 450 íbúðir hefjist á árinu og rúmlega 1.000 til viðbótar á næstu þremur til fjórum árum. Þegar hefur verið samið um að íbúðir rísi í Reykjavík, á Akureyri og á Akranesi, auk þess sem fleiri bæjarfélög hafa lýst áhuga á samstarfið við félagið.

Íbúðir Bjargs eru ætlaðar fjölskyldum og einstaklingum sem eru á vinnumarkaði og hafa verið fullgildir félagsmenn í aðildarfélögum BSRB eða ASÍ í að minnsta kosti 24 mánuði fyrir úthlutun.

Íbúðum verður úthlutað til þeirra sem skrá sig á biðlista og uppfylla skilyrði um tekjur í þeirri röð sem skráningar berast. Undantekning verður þó gerð í upphafi þannig að skráningum á biðlista sem berast fyrir 31. júlí fara í pott og verður raðað í númeraröð með úrdrætti.

Við hvetjum félaga okkar sem hafa hug á að sækja um íbúð hjá Bjargi til þess að nýta sér reiknivél á vef Bjargs og skila inn umsókn fyrir lok júlí til að eiga sem mestan möguleika á að fá úthlutað íbúð sem fyrst.

Prófaðu reiknivélina og sendu inn umsókn á vef Bjargs íbúðafélags, bjargibudafelag.is.

Til baka

Aðventukvöld SFR og St.Rv.

SFR og St.Rv. halda sitt árlega aðventukvöld 22. nóvember að Grettisgötu 89. Við hefjum leikinn kl. 20:00 með upplestri úr nokkrum nýjum bókum úr jólabókaflóðinu. Það eru rithöfundarnir Einar Kárason, Þórdís Gísladóttir og Lilja...

Sameining að veruleika

Félagsmenn SFR stéttarfélags og Starfsmannafélags Reykjavíkurborgar samþykktu sameiningu félaganna í allsherjar atkvæðagreiðslu sem lauk rétt í þessu, en meirihluti beggja félaga samþykkti...

Atkvæðagreiðslu lýkur kl. 12 í dag

Nú fer hver að verða síðastur til að kjósa. Atkvæðagreiðslunni um sameiningu félaganna lýkur kl. 12 á hádegi í dag. Nú þegar hafa um 37% félagsmanna kosið svo við hvetjum alla þá sem enn eiga eftir að kjósa að fara

30% hafa kosið!

Nú á þriðja degi allsherjar atkvæðagreiðslu um sameiningu SFR og St.Rv. hafa tæplega 30% félagsmanna SFR þegar kosið og margir haft samband við skrifstofu félagsins til þess að fá upplýsingar og leiðbeiningar. Það er frábær...

Góð þátttaka í allsherjar atkvæðagreiðslu

Nú á öðrum degi allsherjar atkvæðagreiðslu um sameiningu SFR og St.Rv. hafa um 20% félagsmanna SFR þegar kosið og margir haft samband við skrifstofu félagsins til þess að fá upplýsingar og leiðbeiningar. Við hvetjum alla...

Atkvæðagreiðsla um sameiningu er hafin

Atkvæðagreiðsla um sameiningu SFR stéttarfélags og Starfsmannafélags Reykjavíkurborgar er hafin og mun hún standa til hádegis á föstudag 9. nóvember. Til þess að kjósa þurfa félagsmenn að velja

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)