Nóg að gera hjá trúnaðarmönnum

Fjölmennt var á fyrsta trúnaðarmannafundi vetrarins en þar kynnti Tómas Bjarnason frá Gallup niðurstöður nýrrar launakönnunar fyrir trúnaðarmönnum. Laun SFR félaga hafa hækkað um 9% á milli ára að meðaltali. Þá sýna niðurstöðurnar einnig að kynbundinn launamunur hefur lækkað örlítið, þó lækkunin sé reyndar það lítil að hún teljist innan vikmarka. Það þykja tíðindi að aldrei hefur mælst meiri ánægja með laun og nú, en um þriðjungur segist vera ánægður með launin sín og bilið milli þess sem fólk telur sanngjörn laun og raunlauna er að minnka hægt og rólega. Ítarlegar niðurstöður verða birtar í Blaði stéttarfélaganna og hér á vefnum í næstu viku.

Árni Stefán formaður SFR kynnti fyrir trúnaðarmönnum næstu skref í vinnuna fyrir atkvæðagreiðslu um sameiningu SFR og St.Rv., en atkvæðagreiðslan mun fara fram á tímabilinu frá kl. 12 á hádegi þann 6. nóvember til 12 á hádegi þann 9. nóvember. Í undirbúningi eru fjölmargir kynningarfundir úti á vinnustöðum sem og opinn félagsfundur. Allt kapp verður lagt í að kynna málin sem best fyrir félagsmönnum og munu allir fá sérstaka kynningarbækling sendan heim með upplýsingum. Auk þess sem næstu daga verður opnaður kynningarvefur um atkvæðagreiðsluna þar sem safnað verður saman öllu því efni sem getur fært félagsmenn nær svarinu um það hvað felst í sameiningu.

Jóhanna Þórdórsdóttir fræðslustjóri kynnti fræðslumöguleika trúnaðarmanna og hvatti alla til þess að vekja upp forvitnina í sér og sækja sér fræðslu í vetur, enda fyrirséð að kröfur framtíðarvinnumarkaðarins um færni verða aðrar en þær eru í dag.

Að lokum ræddi Þórarinn Eyfjörð framkvæmdastjóri stöðuna í kjarasamningum, en nokkrir samningar við ohf-félögin verða lausir nú í árslok og allflestir samningar SFR verða síðan lausir í mars á næsta ári, en félagið gerir alls 13 kjarasamninga. Það er því ljóst að trúnaðarmenn sem margir sitja í samstarfs- og samninganefndum og aðrir sem starfa fyrir félagið munu hafa nóg fyrir stafni á næstu mánuðum.

Til baka

SFV hafnar samkomulagi

Eins og fram hefur komið gekk Sameyki frá samkomulagi um endurskoðaða viðræðuáætlun við stærstu viðsemjendur sína í byrjun mánaðarins. Samkomulagið felur í sér að aðilar stefni á að hafa náð samningum fyrir 15. september...

Samkomulag um endurskoðun á viðræðuáætlun

Gengið hefur verið frá samkomulagi um endurskoðaða viðræðuáætlun við ríki, Reykjavíkurborg, Samband íslenskra sveitarfélaga og Stætó.

Í samkomulaginu kemur fram að aðilar stefni á að hafa náð samningum fyrir 15...

Fundur trúnaðarmanna

Fjöldi nýrra og eldri trúnaðarmanna voru mættir á fund í trúnaðarmannaráði Sameykis síðastliðinn fimmtudag á Grand hóteli. Á fundinum fjölluðu Árni Stefán Jónsson formaður Sameykis og Garðar Hilmarsson varaformaður um stöðuna...

Kjaraviðræður halda áfram

Samninganefnd Sameykis vegna kjaraviðræðna við Reykjavíkurborgar kom saman í gær til þess að fara yfir tilboð Reykjavíkurborgar. Enn ber nokkuð á milli aðila en viðræður munu halda áfram á næstu dögum. Viðræður héldu áfram við...

Kjaraviðræður

Heilmiklar viðræður hafa verið á gangi milli BSRB og samninganefnda ríkisins, Reykjavíkurborgar og Sambands íslenskra sveitarfélaga.
Þar eru fulltrúar Sameykis Árni Stefán Jónsson formaður Sameykis og Garðar Hilmarsson...

Kjaraviðræður við Reykjavíkurborg

Í gær fundaði viðræðunefnd samninganefndar Sameykis með fulltrúum Reykjavíkurborgar í samninganefnd. Þar var farið yfir ýmis mál sem eru til viðræðu í samningunum. Helstu mál sem hafa verið rædd fjalla um styttingu vinnuvikunnar...

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)