Félagsmanni SFR dæmdar bætur

Íslenska ríkið hefur verið dæmt til að greiða fyrrverandi starfsmanni Kvennaskólans í Reykjavík rúmar tíu milljónir kr. vegna uppsagnar árið 2016. Starfsmaðurinn hafði í tólf ár starfað sem umsjónarmaður húsakynna skólans. Starfsmaðurinn var félagsmaður SFR og leitaði til félagsins vegna málsins strax þegar það kom upp. Eftir ítrekaðar en árangurslausar tilraunir til þess að fá þessari ólögmætu uppsögn hnekkt og fá kröfur vegna uppsagnar greiddar stefndi SFR ríkinu fyrir hönd starfsmannsins. Dómkrafan var tvíþætt, annars vegar var krafa um vangoldin veikindalaun samkvæmt kjarasamningi SFR og stefnda. Hins vegar er svo krafa um skaða- og miskabætur vegna ólögmætrar uppsagnar úr starfi.

Málsatvik voru þau að starfsmaðurinn sinnti starfi umsjónarmanns og hafði gert svo frá árinu 2004, en var í veikindaleyfi þegar uppsögnin átti sér stað. Uppsögnin var byggð á því að leggja skyldi starf umsjónarmannsins niður í þeirri mynd sem áður var og aðrar kröfur gerðar í nýju starfi. Eftir að starfsmaðurinn fór í veikindaleyfi var honum tilkynnt að starf hans yrði lagt niður og að óskað væri eftir starfslokum hans. Auglýsa átti nýtt starf umsjónarmanns fasteigna þar sem gerðar voru kröfur um að viðkomandi starfsmaður væri með iðnmenntun. Ekki hafi verið rætt við starfsmanninn til þess að fara heildstætt yfir starfið og fyrirhugaðar breytingar á því. Þá var heldur aldrei látið reyna á hvort starfsmaður gæti sinnt breyttu starfi. Við þetta var starfsmaðurinn ósáttur og taldi sig geta sinnt starfinu áfram, þrátt fyrir auknar hæfniskröfur. Uppsögnin hafi einnig verið „sérstaklega meiðandi“ fyrir starfsmanninn þar sem ekki var óskað eftir því að hann ynni út sex mánaða uppsagnarfrest, og því hafi það litið út að viðkomandi hafi gerst sekur um eitthvað sem verðskuldaði tafarlausan brottrekstur.

Það var mat starfsmannsins og SFR stéttarfélags að rangt hefði verið staðið að uppsögninni, hún hefði verið tilhæfulaus og dulbúin sem niðurlagning starfs. Ástæður hennar voru taldar ómálefnalegar og byggðar á persónu stefnanda. Þá hafði aldrei komið til áminningar og almenn ánægja hafði verið með störf umsjónarmannsins fram að þeim tíma að nýr skólameistari, Hjalti Jón Sveinsson var ráðinn til Kvennaskólans stuttu áður.

Dómurinn tekur undir kröfur stefnanda og segir í niðurstöðu hans að niðurlagning starfsins hafi verið meiðandi og í henni hafi falist ólögmæt meingerð í garð stefnanda. Var íslenska ríkið því dæmt til að greiða starfsmanninum tíu milljónir króna vegna uppsagnarinnar, þar af átta milljónir í skaðabætur, 700 þúsund í miskabætur og 1,3 milljónir í vangoldin laun í veikindaleyfi.


Til baka

NÝR ORLOFSVEFUR

Orlofskerfi SFR og St.Rv. hefur nú verið sameinað og þess vegna höfum við að mestu lokað fyrir gamla Orlofsvef SFR. Í staðinn þarf að velja 

Baráttan gegn einkavæðingu áberandi á alþjóðavettvangi

Sterkasta birtingarmynd samfélagsábyrgðar fyrirtækja er að þau greiði sinn réttláta hlut af sköttum. 

Einkavæðing opinberrar þjónustu og skaðleg áhrif hennar gengur sem rauður þráður í gegnum umræður kvennanna á...

Eitt orlofskerfi fyrir alla félagsmenn Sameykis í vinnslu

Nú er unnið að því að setja upp eitt orlofskerfi fyrir íbúðir, orlofshús, gjafabréf og fleira þannig að allir félagsmenn Sameykis hafi aðgang að öllum orlofseignum fyrrum SFR og St.Rv. Orlofskerfið sem varð fyrir valinu heitir...

Málþing um nýja persónuverndarlöggjöf

Föstudaginn 15. mars kl. 13-16 standa Háskólinn á Bifröst og Fræðslusetrið Starfsmennt sameiginlega að málþingi um nýja persónuverndarlöggjöf sem tók gildi í júlí sl. Málþingið er innlegg í opinbera umræðu um löggjöfina út frá...

Skattframtal 2019 - frádráttur á móti styrkjum

Nú fer hver að verða síðastur að skila inn skattframtali og því minnum við félagsmenn sem fengu styrk á árinu 2018 að huga að því hvort heimilt sé að færa kostnað til frádráttar.

Styrkir úr starfsmenntunarsjóði og...

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)