Leiðrétting á stóru skattatilfærslunni

Sanngjörn dreifing skattbyrðar var yfirskrift mjög áhugaverðs morgununverðarfundar sem Efling stéttarfélag stóð fyrir. Stefán Ólafsson og Indriði H. Þorláksson hafa unnið skýrslu fyrir Eflingu stéttarfélag. Þeir kynntu mjög raunhæfar leiðir til þess að leiðrétta stóru skattatilfærsluna sem hefur átt sér stað á síðustu 20 árum, án þess að veikja velferðarkerfið.

Í skýrslunni er gerð grein fyrir hvernig skattatilfærslan varð til og ástæður hennar. Hvernig skattbyrði hefur verið færð frá efstu tekjuhópum til lægri og millitekjuhópa. Í öðrum kafla skýrslunnar er fjallað um efnahagslegt og félagaslegt samhengi skatta, þar sem rík áhersla er lögð á mikilvægi skatttekna fyrir velferðarkerfið. Í þriðja kafla er gerð grein fyrir þeim aðgerðum og tillögum sem lagt er til að gripið verði til og sýndar margar umbótaleiðir í skattkerfinu sem gætu skilað umtalsverðum meiri skatttekjum, sem mætti nýta til til frekari skattalækkana til þeirra 90 prósenta sem lægstar tekjur hafa, það er til alls þorra almennings. Hópur af kjarasviði Sameykis var mættur á kynningu skýrslunnar, en Árna Stefáni Jónssyni formanni og Garðari Hilmarssyni varaformanni var boðin þátttaka í fund í framhaldi kynningar þar sem þeir lýstu ánægju sinni með þessa skýrslu sem tali inn í stefnu BSRB um skattamál og þeir lýstu því yfir að þeir muni tala fyrir og kynna þessa stefnu af heilum hug og tala fyrir henni við stjórnvöld.

Nálgast má skýrsluna hér.

 

Til baka

Mikil gleði á páskabingói

Skemmtilegt og fjölmennt páskaeggjabingó Sameykis fór fram um helgina á Grettisgötu 89. Þar komu saman um 100 manns, börn og fullorðnir sem skemmtu sér saman og spiluðu bingó og fjölmargir fóru heim með páskaegg af öllum stærðum...

Stofnfundur Lífeyrisdeildar Sameykis

Afar fjölmennur stofnfundur Lífeyrisdeildar Sameykis var haldinn 11. apríl síðastliðinn, en á fundinn komu rúmlega 80 manns. Þar voru lögð fram drög að starfsreglum deildarinnar til samþykktar. Kosin var 7 manna...

Háskóladeild Sameykis stofnuð

Háskóladeild Sameykis var stofnuð 4. Apríl með pompi og prakt. Á fundinum voru samþykktar starfsreglur deildarinnar sem verða lagðar fyrir stjórn Sameykis til samþykktar til að þær taki gildi...

Kjarasamningar

Sameyki hefur undanfarnar vikur átt í viðræðum við viðsemjendur sína, en flestir samningar voru lausir 31. mars síðastliðinn. Samninganefndir okkar hafa fundað með fulltrúum ríkis, Reykjavíkurborgar, Sambandi íslenskra...

Ályktanir Sameykis

Framhaldsaðalfundur Sameykis sem haldinn var þann 28. mars síðastliðinn samþykkti eftirfarandi ályktanir:


Skattkerfið og ójöfnuður
Aðalfundur Sameykis stéttarfélags í almannaþjónustu...

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)