Fjölmennur framhaldsaðalfundur Sameykis

Framhaldsaðalfundur Sameykis fór fram í gær og var afar vel sóttur. Á fundinum voru m.a. lagðir fram ársreikningar St.Rv. og SFR og ársskýrslur félaganna. Þá fór Árni Stefán formaður Sameykis yfir verkefni hið sameinaðs félags þessa fyrstu daga þess. Vinna við sameiningu orlofskerfis og hönnun merkis og útlits á félagið hafa verið tímafrek verkefni en auk þess eru samingaviðræður við stærstu viðsemjendur komnar af stað þó hægt sé. Þá eru viðræður við Orkuveituna og Isavia einnig að skríða af stað. Sameyki mun gera 18 kjarasamninga. Fram undan er kosning trúnaðarmanna á vinnustöðum en alls verða á milli 300-400 trúnaðarmenn í félaginu. Þá sagði Árni frá því að á næstu vikum verða haldnir tveir stofnfundir, annars vegar hjá háskóladeild félagsins og hins vegar hjá lífeyrisdeildinni. Stofnfundur háskóladeildarinnar verður 4. apríl en lífeyrisdeildarinnar þann 10. apríl. Í ávarpi Árna kom fram að alls eru um 11 þúsund manns í félaginu og er það þriðja stærsta stéttarfélagið á landinu. Hann sagðist fullviss að með sameiningunni hefði verið stígið mjög jákvætt skref í stéttarfélagsbaráttunni og óskaði félagsmönnum til hamingju með glæsilegt félag.

Kosnir voru skoðunarmenn reikninga og löggildur endurskoðandi og fjárhagsáætlun næsta árs var lögð fram til samþykktar. Það voru þau Rögnvaldur Dofri Pétursson sem kjörinn var löggildur endurskoðandi og skoðunarmenn verða Einar Andrésson og Birgitta Vigfúsdóttir og til vara Inga Lára Pétursdóttir og Ásdís Hrund Þórarinsdóttir. Þá var fráfarandi skoðunarmönnum þökkuð vel unnin störf og þeim afhentar gjafir og blóm, en það voru þær Hrafnhildur Guðmundsdóttir, Ína Halldóra Jónasdóttir, Kolbrún Hauksdóttir og Sigríður Jakobsdóttir.

Þá voru til umræðu ályktanir aðalfundarins og spunnust fjörugar umræður um efni þeirra. Að lokum voru samþykktar fimm ályktanir sem sendar verða út bráðlega.

Ársskýrsla SFR 2018

Ársskýrsla St.Rv. 2018


Til baka

SFV hafnar samkomulagi

Eins og fram hefur komið gekk Sameyki frá samkomulagi um endurskoðaða viðræðuáætlun við stærstu viðsemjendur sína í byrjun mánaðarins. Samkomulagið felur í sér að aðilar stefni á að hafa náð samningum fyrir 15. september...

Samkomulag um endurskoðun á viðræðuáætlun

Gengið hefur verið frá samkomulagi um endurskoðaða viðræðuáætlun við ríki, Reykjavíkurborg, Samband íslenskra sveitarfélaga og Stætó.

Í samkomulaginu kemur fram að aðilar stefni á að hafa náð samningum fyrir 15...

Fundur trúnaðarmanna

Fjöldi nýrra og eldri trúnaðarmanna voru mættir á fund í trúnaðarmannaráði Sameykis síðastliðinn fimmtudag á Grand hóteli. Á fundinum fjölluðu Árni Stefán Jónsson formaður Sameykis og Garðar Hilmarsson varaformaður um stöðuna...

Kjaraviðræður halda áfram

Samninganefnd Sameykis vegna kjaraviðræðna við Reykjavíkurborgar kom saman í gær til þess að fara yfir tilboð Reykjavíkurborgar. Enn ber nokkuð á milli aðila en viðræður munu halda áfram á næstu dögum. Viðræður héldu áfram við...

Kjaraviðræður

Heilmiklar viðræður hafa verið á gangi milli BSRB og samninganefnda ríkisins, Reykjavíkurborgar og Sambands íslenskra sveitarfélaga.
Þar eru fulltrúar Sameykis Árni Stefán Jónsson formaður Sameykis og Garðar Hilmarsson...

Kjaraviðræður við Reykjavíkurborg

Í gær fundaði viðræðunefnd samninganefndar Sameykis með fulltrúum Reykjavíkurborgar í samninganefnd. Þar var farið yfir ýmis mál sem eru til viðræðu í samningunum. Helstu mál sem hafa verið rædd fjalla um styttingu vinnuvikunnar...

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)