Kosning trúnaðarmanna Sameykis

Kosið er í maí á oddatöluári til tveggja ára í senn. Hafa ber i huga að sá sem starfsmenn velja sem sinn trúnaðarmann er fulltrúi þeirra gagnvart atvinnurekenda. Kosning fer fram í samráði við SAMEYKI en trúnaðarmaðurinn fær staðfestingu á kjöri og umboð sitt frá félaginu. Kjósa má trúnaðarmann á vinnustað þar sem starfa fimm félagsmenn eða fleiri. Ef félagsmenn eru 50 eða fleiri má kjósa fleiri en einn trúnaðarmann. 

Mikilvægt er að hafa trúnaðarmenn á öllum vinnustöðum. Á hverjum þeim vinnustað, þar sem fimm eða fleiri félagsmenn SAMEYKIS starfa, skulu þeir kjósa sér trúnaðarmann annað hvort ár. Í dag eru trúnaðarmenn SAMEYKIS um 380 talsins. Allir félagsmenn SAMEYKIS geta boðið sig fram sem trúnaðarmenn. Hlutverkið felur meðal annars í sér að gæta hagsmuna félagsmanna SAMEYKIS á vinnustað, miðla upplýsingum á milli félagsmanna, koma að gerð stofnanasamninga þar sem launaröðun er ákveðin, gæta þess að kjarasamningar séu virtir og aðstoða í ágreiningsmálum. 

Um er að ræða gefandi starf sem felur í sér tækifæri til að bæta við sig þekkingu og reynslu á sviði starfsmannamála. Einnig gefur það innsýn í rekstur stofnunar og starfsemi stéttarfélaga. Trúnaðarmönnum býðst að sækja þjálfunarnámskeið tengd starfinu.

Framkvæmd kosningar 

Upplýsingar vegna kosningar trúnaðarmanna eru send til allra trúnaðarmanna í netpósti í apríl á oddatöluári. Óski aðrir félagsmenn eftir sendingu geta þeir haft samband við Sameykis í síma 525-8340 eða sent póst á netfangið kristin@sameyki.is. Hér til hægri á síðunni má finna kjörgögn vegna kosningar trúnaðarmanna fyrir kjörtímabilið 2019-2021. Kjörgögn eru eingöngu send í bréfpósti ef sérstaklega er óskað eftir því. 

Áhugasamir setji sig í samband við umboðsmann á vinnustað sem fyrst, en kosning á að fara fram í maí á oddatöluári. Trúnaðarmanni ber að skipa umboðsmann og hengja upp auglýsingu um kosningu á áberandi stað með nafni umboðsmanns. Allir félagsmenn geta boðið sig fram til trúnaðarmanns en kosning fer fram á vinnustað ef fleiri en einn eru í framboði.

  

 

Kjörgögn vegna kosningar

Kjörgögn eru hér á síðunni en ef sérstaklega er óskað eftir sendum við þau í pósti.  Óski aðrir félagsmenn eftir sendingu geta þeir haft samband við Sameyki í síma 525-8340 eða sent póst á netfangið kristin@sameyki.is.

Hér má finna kjörgögn vegna kosningar trúnaðarmanna fyrir kjörtímabilið 2019-2021:

Tilkynningu um kjör trúnaðarmanns

Þegar búið er að kjósa trúnaðarmann skal senda tilkynningu um það til skrifstofu Sameykis. Það er afar mikilvægt að það sé gert með formlegum hætti.

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)