Fræðslumorgunn trúnaðarmanna #metoo - aðgerðir gegn áreitni og einelti á vinnustað

Hefst: 9:15
Staðsetning: Grettisgötu 89, 1. hæð
Lengd: 105 mínútur

Fimmtudagur 13. september kl. 9.15 – 12.15

Í kjölfar #metoo umræðunnar hefur kastljósið beinst að félagslegu öryggi starfsfólks á vinnustöðum og hvernig brugðist er við áreitni og einelti. Heildar-samtök launafólks og Kvenréttindafélag Íslands héldu fund með #metoo konum í þjóðfundastíl þar sem fjallað var um hvernig stéttarfélög gætu fylgt eftir umræðunni og stuðlað að breytingum. Ein af niðurstöðum fundarins var að kallað er eftir því að stéttarfélög verði leiðandi í umræðunni og trúnaðarmenn séu sérstaklega virkjaðir. Á námskeiðinu verður fjallað um birtingarmyndir, afleiðingar og úrræði fyrir starfsfólk á vinnustað þessu tengt. Þá verður fjallað um hvernig megi vinna forvarnarvinnu, hvar ábyrgð á öryggi liggur, réttindi og skyldur starfsfólks og hvernig stéttarfélögin geta brugðist við þegar félagsmenn verða fyrir ofbeldi, áreitni og einelti á vinnustað. Við ræðum hlutverk stéttar-félaganna og helstu niðurstöður fundar með #metoo konum, hvernig við getum stuðlað að viðhorfsbreytingu og öruggu starfsumhverfi sem byggir á jafnrétti.

Markmiðið með námskeiðinu er að trúnaðarmaður:

  • Þekki birtingarmyndir og afleiðingar kynbundinnar áreitni, kynferðislegrar áreitni og eineltis á vinnustað.
  • Hafi þekkingu á réttindum og skyldum starfsfólks í tengslum við áreitni og einelti.
  • Hafi yfirsýn yfir möguleg viðbrögð við áreitni og einelti á vinnustað.
  • Þekki leiðir til forvarnarvinnu gegn áreitni og einelti á vinnustað.
  • Kunni skil á eftirlitsstofnunum og hlutverki þeirra varðandi áreitni og einelti á vinnustað.

Leiðbeinandi: Sonja Ýr Þorbergsdóttir, lögfræðingur BSRB
Skráning: https://sfr.is/um-sfr/trunadarmenn/trunadarmannafraedsla/


Til baka

Þetta vefsvæði notar vafrakökur

Þessi vefur notar vafrakökur til að tryggja eðlilega virkni og notendaupplifun.
Með því að nota hann samþykkir þú notkun þeirra. (Þessi tilkynning birtist vegna nýrra persónuverndarlaga.)